22.08.2026 | 14:44
«Երևանի գիշերները» բացօթյա համերգաշար՝ Երևանի այգիներում
Ինչպե՞ս կարող ես ղազախ ժողովրդի վրա զինված խումբ ուղարկել, բարոյական իրավունք չունես. Թագուհի Թովմասյանը՝ Փաշինյանին. ՏԵՍԱՆՅՈՒԹ
Քաղաքականություն
11.01.2022 | 17:32
«Եթե այդ որոշումը կայացրած լիներ հեղափոխության հետ կապ չունեցող որևէ կառավարություն, գուցե տրամաբանական կլիներ: Բայց մենք չգիտենք այդ որոշման հիմնավորումները, կառավարության ղեկավարը նիստ չի հրավիրել, չի բացատրել, թե ինչ անհրաժեշտությունից է բխում այդպիսի որոշում կայացնելը»,-Factor.am-ի հետ զրույցում նշեց Մարդու իրավունքների պաշտպանության հարցերի հանձնաժողովի նախագահ Թագուհի Թովմասյանը՝ անդրադառնալով հարցին, թե արդյո՞ք արդարացված է համարում ՀԱՊԿ շրջանակներում Հայաստանից Ղազախստան 100 հոգանոց խաղաղապահների զորախումբ ուղարկելու մասին որոշումը:
«Նիկոլ Փաշինյանն իր ամբողջ կյանքում խոսել է քաղաքացիների ազատության, ազատ կամարտահայտման մասին: Հիմա Ղազախստանում քաղաքացիները ինչ-որ բանից դժգոհում են, բողոքում են իրենց երկրի ղեկավարներից, բայց դա իրենց երկրի ներքին խնդիրն է: Ստացվում է, որ Հայաստանը ներգրավվում է այլ երկրի ներքին հարցերի մեջ, ինչը մեզ պետք չէ:
Մենք էլ չէինք ցանկանա, որ որևէ երկիր 2018-ին մեզ խանգարեր: Մենք փողոց փակելով՝ Նիկոլ Փաշինյանին իշխանություն ենք տվել, և այդ իշխանությունը չենք տվել նրա համար, որ նա որևէ սկզբունք չպահի…
Ինչպե՞ս կարող ես ղազախ ժողովրդի վրա զինված խումբ ուղարկել, անկախ նրանից թե ինչով ես պատճառաբանում, դա քո գործառույթը չէ, և հատկապես որպես հեղափոխական իշխանություն, դու դրա բարոյական իրավունքը չունեիր»,- նշեց Թովմասյանը:
Մանրամասները՝ տեսանյութում:
