18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՀԱՊԿ խաղաղապահներն իրենց առաքելությունը Ղազախստանում կավարտեն իրավիճակի ամբողջական կայունացումից հետո․ Շոյգու
Քաղաքականություն
11.01.2022 | 13:57
ՀԱՊԿ հավաքական խաղաղապահ ուժերը իրենց առաքելությունը Ղազախստանում կավարտեն կենտրոնասիական այս երկրում իրավիճակի ամբողջական կայունացումից հետո։ Այս մասին հայտարարել է ՌԴ պաշտպանության նախարար Սերգեյ Շոյգուն, գրում է ՏԱՍՍ գործակալությունը։
«Հավաքական խաղաղապահ ուժերի կողմից առաջադրանքների կատարումը կիրականացվի Ղազախստանի Հանրապետությունում մինչև իրավիճակի ամբողջական կայունացումը, բնականաբար, Ղազախստանի Հանրապետության ղեկավարության որոշմամբ»,-ասել է Շոյգուն խորհրդակցության ժամանակ։
Նրա խոսքով՝ ներկայում «ՀԱՊԿ խաղաղապահ ուժերը իրականացնում են Ղազախստանի տարածքում կարևոր ռազմական, պետկան ու սոցիալական նշանակության օբյեկտների պահպանություն»։ Շոյգուն հիշեցրել է, որ հունվարի 9-ին ՀԱՊԿ Հավաքական անվտանգության խորհրդի որոշման համաձայն՝ կազմակերպության ուժերը տեղակայվել են Ղազախստանի տարածքում։
«Կարճ ժամանակում՝ ընդամենը երեք օրում, Ռուսաստանի օդատիեզերական ուժերի ինքնաթիռները տեղափոխեցին անձնակազմը և տեխնիկան։ Դա հնարավոր դարձավ ՀԱՊԿ անդամ երկրների զինված ուժերի գործողությունների բարձր համակարգման և արդյունավետության շնորհիվ, որոնք ձեռք են բերվել համատեղ զորավարժությունների, ինչպես նաև Սիրիայում ռուսական զորքերի ու Լեռնային Ղարաբաղում խաղաղապահ ստորաբաժանման տեղակայման փորձի արդյունքում»,-նշել է ՌԴ պաշտպանության նախարարը։
Հիշեցնենք՝ ավելի վաղ Ղազախստանի նախագահ Կասիմ Ժոմարտ-Տոկաևը հայտարարել էր, որ ՀԱՊԿ խաղաղապահների դուրսբերումը կսկսվի երկու օրից։
Էմմա Չոբանյան
