10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Պաշտպանության փոխնախարարը՝ Պապիկյանի 21-ամյա օգնականի մասին. պարտադիր չէ՝ օգնականը զինվորական լինի. ՏԵՍԱՆՅՈՒԹ
Քաղաքականություն
11.01.2022 | 13:21
Պարտադիր չէ, որ պաշտպանության նախարարի օգնականը զինվորական լինի: Այս մասին Ազգային ժոովում լրագրողների հետ զրույցում նշեց Պաշտպանության փոխնախարար Արման Սարգսյանը՝ հավելելով, որ որևէ խնդիր չի տեսնում, որ նախարար Սուրեն Պապիկյանի օգնական է նշանակվել 21-ամյա Մանե Արզումանյանը, որը զինվորական գործի հետ առնչություն չի ունեցել:
Հարցին, թե ինչպես նա պետք է օգնի նախարարին, Սարգսյանը պատասխանեց. «Պաշտպանության նախարարի օգնականը պետք է զինվորական լինի՞: Ես՝ ինքս զինվորական չեմ և պաշտպանության նախարարի տեղակալն եմ, և իմ առջև դրված խնդիրները, կարծում եմ, որ կարողանում եմ լուծել:
Ընդհանրապես զինված ուժերի ղեկավարումը կատարվում է Գլխավոր շտաբի կողմից: Իմ պաշտոնը քաղաքական պաշտոն է և ես տալիս եմ տեղեկատվություն այնքան, որքան կարող եմ և որքան անհրաժեշտ է: Հետևաբար պաշտպանության նախարարի օգնականի զինվորական գիտելիքներ չունենալը որևէ խնդիր չի կարող ստեղծել…
ԱԺ-ում պատգամավորներն օրենսդրական նախաձեռնություններով են հադես գալիս, բոլորն իրավաբաննե՞ր են: Ո՛չ: Իրենց օգնականները մեծ փորձ ունեցող մարդի՞կ են»,- նշեց Սարգսյանը:
Մանրամասները՝ տեսանյութում:
