17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Ղազախստան մեկնած մեր զինվորների քանակն այնպիսին չէ, որ փոփոխություն լինի մեր սահմանին. Արման Սարգսյան. ՏԵՍԱՆՅՈՒԹ
Քաղաքականություն
11.01.2022 | 12:48
Սահմանին սադրանքներ, միջադեպեր եղել են և կարող են նորից տեղի ունենալ։ Ազգային ժողովում լրագրողների հետ զրույցում հայտարարեց ՀՀ պաշպանության փոխնախարար Արման Սարգսյանը՝ անդրադառնալով Վերին Շորժայի ուղղությամբ հնչած կրակոցներին։
«Սահմանային իրավիճակը վերջին ժամանակահատվածում գնահատում եմ ոչ այնքան լարված, սակայն որևէ մեկը չի կարող բացառել, որ յուրաքանչյուր պահի կարող է լինել լարվածություն»,- նշեց Սարգսյանը։
Հարցին, թե արդյոք այս պահին իրավիճակը լարված է սահմանին` փոխնախարարը պատասխանեց, որ եթե լարված լիներ, հանրությունը տեղեկատվություն կստանար այդ մասին։
Նա հորդորեց հետևել պաշտոնական լրահոսին և նշեց, որ հասարակությունից որևէ բան չի թաքցվել։
Հարցին, թե արդյոք ռիսկային քայլ չէր այն, որ որոշվեց Ղազախստան հայ խաղաղապահներ ուղարկել, երբ մեր սահմաններին ամեն վայրկյան կարող է լարված իրավիճակ առաջանալ, Սարգսյանը պատասխանեց, որ Ղազախստան մեկնած մեր զինվորների թվաքանակն այնպիսին չէ, որ փոփոխություն լինի մեր սահմանին:
«Ռիսկային խնդիր չկա, որովհետև այդ 100 զինծառայողի բացակայությունն այն թվաքականը չէ, որ ինչ-որ փոփոխություն ենթադրի սահմանի լարվածության առնչությամբ»,- ասաց Սարգսյանը։
Մանրամասները՝ տեսանյութում:
