16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
«Մենք ստացել ենք սերժական և ռոբական ընդդիմություն, որի նպատակն է տապալել ԱԺ աշխատանքը»․Վիգեն Խաչատրյան. ՏԵՍԱՆՅՈՒԹ
Քաղաքականություն
11.01.2022 | 10:48
ԱԺ պետաիրավական հարցերի հանձնաժողովում այսօր բուռն բանավեճ տեղի ունեցավ «Քաղաքացիական պայմանագիր» խմբակցության պատգամավոր Վիլեն Գաբրիելյանի հեղինակած նախագծի քննարկման ժամանակ, որով փոփոխություն է առաջարկում ԱԺ կանոնակարգ օրենքում՝ լուծելու ԱԺ պաշտպանության և անվտանգության հարցերի մշտական հանձնաժողովի նախագահի տեղակալի շուրջ առաջացած խնդիրը:
«Քաղաքացիական պայմանագիր» խմբակցության պատգամավոր Վիգեն Խաչատրյանն անդրադարձավ «Հայաստան» խմբակցության պատգամավոր Արամ Վարդևանյանի ելույթին, որը նա սկսել էր «հարգելի՛ հայրենակիցներ» արտահայտությամբ:
«Դեպքերի բերումով ստացել ենք սերժական, ռոբական մի ընդդիմություն, որի նպատակն է՝ խաթարել խորհրդարանի բնականոն աշխատանք: Այս մարդիկ չեն հավատում, որ իշխանությունը կարող է մի լավ բան անել, դա իրենց իրավունքն է, բայց իմ իրավունքն էլ է՝ չմասնակցել էդ տապալմանը և հնարավորինս մեղմացնել այն վնասը, որն այս մարդիկ՝ սպասարկելով Ռոբին ու Սերժին, հասցնում են մեր հասարակությանը՝ անընդհատ դիմելով՝ «հարգելի՛ հայրենակիցներ»,- նշեց Վիգեն Խաչատրյանը՝ հավելելով՝ յուրաքանչյուրն իր պահվածքով իր մակարդակն ու դաստիարակությունն է ի ցույց դնում:
Վիգեն Խաչատրյանին արձագանքեց Արամ Վարդևանյանը, այնուհետև Ագնեսա Խամոյանը՝ ասելով. «Սա ձե՞ր դաստիարակությունն ու մակարդակն է»:
Վիգեն Խաչատրյանը պատասխանեց. «Սա ձեր հաղորդումը չի, և ես ձեզ չեմ վճարել, ինձ մի՛ սպասարկեք»:
Հանձնաժողովի նախագահ Վլադիմիր Վարդանյանը միջամտեց վեճին և 15 րոպե ընդմիջում հայտարարեց:
Մանրամասները՝ տեսանյութում:
