05.03.2026 | 22:25
Հրաձգության Հայաստանի հավաքականը 4-րդն է Եվրոպայի առաջնության մեդալային հաշվարկում
Թուրքերը Հայաստանն ընկալում են որպես թիվ 1 սպառնալիք
Քաղաքականություն
10.01.2022 | 22:37
Թուրքական Քադըր Հաս համալսարանի Թուրքական հետազոտությունների կենտրոնն ու Global Academ-ին հրապարակել են համատեղ ամենամյա հետազոտության արդյունքները։ Հետազոտությունն իրականացվել է 2021թ-ի հոկտեմբերի 23-ից նոյեմբերի 5-ն ընկած ժամանակահատվածում։
Ըստ հարցումների՝ 2021 թ-ին Թուրքիայի քաղաքացիների հիմնական մտահոգություններն են եղել տնտեսական խնդիրները, փախստականներն ու COVID-19-ը։ Հետազոտության համաձայն՝ ամենակարևորը Թուրքիայի քաղաքացիների համար տնտեսական խնդիրներն են 22․7 տոկոսով , երկրորդը փախստակաների հարցն է 17․9 տոկոսով։ Կորոնավիրուսի համավարակը, որը նախորդ տարի առաջին տեղում էր, նահանջել է երրորդ տեղ 15․8 տոկոսով։ Իրավունքների ու ազատությունների սահմանափակման թեման չորրորդ տեղում է 7․3 տոկոսվ, իսկ ահաբեկչության դեմ պայքարը՝ հինգերորդն է 7․2 տոկոսով։
Հետազոտությունը բավական ուշագրավ պատկեր է վեր հանել այլ երկրների հետ Թուրքիայի հարաբերությունների ոլորտում։ Մասնավորապես, հարցված թուրքերի 60․9 տոկոսը իրենց երկրի թիվ 1 սպառնալիք են համարում Հայաստանը։ ԱՄՆ-ն, որը երկար ժամանակ Թուրքիայի համար սպառնալիք ընկալվող երկրների շարքում առաջին տեղում էր , 56․1 տոկոսով հայտնվել է երրորդ տեղում։ Իսրայելը երկրորդ տեղում է, Իրաքը՝ չորրորդը։
Էմմա Չոբանյան
