15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
«Հիվանդանոցը վերակառուցվելու է, փորձում ենք աշխատողների հարցը ժամանակավորապես լուծել». տնօրենի խորհրդական. ՏԵՍԱՆՅՈՒԹ
Հասարակություն
10.01.2022 | 11:50
«Նորք» ինֆեկցիոն հիվանդանոցի աշխատակիցները հիվանդանոցի առջև բողոքի ակցիա են անում։ Նրանք հայտնում են, որ հիվանդանոցի 80 աշխատակցի առանց որևէ լուրջ պատճառաբանության ազատել են աշխատանքից։
«Նորք» ինֆեկցիոն հիվանդանոցի տնօրենի խորհրդական Վիգեն Խաչատրյանը լրագրողների հետ զրույցում նշեց, որ «Նորքի» ինֆեկցիոն հիվանդանոցի «Բ» կորպուսը վերածվելու է շինհրապարակի, ժամանակակից հիվանդանոցի է վերածվելու, ինչի համար այդ կորպուսի աշխատակիցների տեղափոխման հարցն է առաջացել։
«Կա այլ հաստատություն և քննարկվում է մարդկանց այնտեղ տեղափոխելու հարցը։ Նախատեսվում է այստեղ շինարարությունն իրականացնել երկու տարում, որի ավարտից հետո նորից կվերադառնան իրենց աշխատանքին։ Դա քննարկման փուլում է։ Տեղաշարժը դինամիկ գործընթաց է, մենք այլ մասնաճյուղ էլ ունենք, բայց կոնկրետ որոշում կամ հանձնարարական, որ այս պահին «Բ» կորպուսի աշխատակիցը տեղափոխվել է այլ մասնաճյուղ չկա»,-ասաց տնօրենի խորհրդականը։
Հարցին՝ բանակցություններ ընթանու՞մ են, որ աշխատակիցներն ապահովվեն աշխատանքով մինչև շինարարության ավարտը, Վիգեն Խաչատրյանը նշեց, որ փորձում են իրենց կապերով, նախարարության միջնորդությամբ ամեն ինչ անել, որ նրանց աշխատանքի հարցը գոնե ժամանակավորապես լուծվի մինչև նորոգումը։
Մանրամասները՝ տեսանյութում:
