28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Դոնալդ Թրամփը հրամայել է ռմբակոծել Սիրիան. ռազմական գործողություններին մասնակցում են նաև Մեծ Բրիտանիան ու Ֆրանսիան. ԼՈՒՍԱՆԿԱՐՆԵՐ
Քաղաքականություն
14.04.2018 | 07:08
ԱՄՆ նախագահ Դոնալդ Թրամփը հայտարարել է, որ հրամայել է ռմբակոծել Սիրիան՝ ի պատասխան Դումայում քիմիական հարձակման. փոխանցում է meduza.io-ն:
ԱՄՆ Նախագահ Թրամփը հանդես է եկել ուղերձով: Թրամփի խոսքով՝ ռազմական գործողություններին կմասնակցեն Մեծ Բրիտանիան և Ֆրանսիան: ԱՄՆ նախագահը հայտարարել է, որ հարվածներ կհասցվեն Սիրիայի քիմիական զենքի ստեղծման օբյեկտների վրա:
Մեծ Բրիտանիայի վարչապետ Թերեզա Մեյը նույնպես հաստատել է, որ հրահանգել է բրիտանական զինված ուժերին ռմբակոծել Սիրիան:
Հիշեցնենք, որ ԱՄՆ-ն ու արևմտյան մի շարք երկրներ մեղադրում են Սիրիայի նախագահ Բաշար Ասադի ռեժիմին՝ ապրիլի 7-ին Դամասկոսի մոտ գտնվող Դումա քաղաքում քիմիական զենք կիրառելու մեջ: Մինչդեռ Ռուսաստանը Դումայում քիմիական հարձակման մասին հաղորդումը սադրանք է համարում:
CNN- ն արդեն իսկ հաղորդել է Դամասկոսում տեղի ունեցած պայթյունների մասին: Ռմբակոծությունները սկսվել են ճիշտ այն պահին, երբ Թրամփն ուղերձով դիմում էր իր ժողովրդին:
Մեծ Բրիտանիայի պաշտպանության նախարարությունը հաղորդել է, որ հարձակումը կատարվել է Հոմս քաղաքի մոտակայքում գտնվող նախկին ռազմակայանում, որտեղ պահպանվում են քիմիական զենքի արտադրության համար նյութեր:
CNN- ի փոխանցմամբ՝ Սիրիայի վրա հարձակման գործողությանը մասնակցում են նավեր ու օդանավեր, այդ թվում `ԱՄՆ-ի B-1 ռմբակոծիչներ: Sky News- ը հաղորդում է, որ Հոմսի մոտակայքում գտնվող նախկին բազան ռմբակոծվել է բրիտանական Tornado օդանավերի կողմից:
