19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Տոկաևը պաշտոնից ազատել է Ղազախստանի անվտանգության խորհրդի փոխքարտուղարին
Քաղաքականություն
08.01.2022 | 17:51
Ղազախստանի նախագահ Կասիմ-Ժոմարտ Տոկաևը պաշտոնանկ է արել երկրի Անվտանգության խորհրդի փոխքարտուղար Ազամատ Աբդիմոմունովին. գրում է «ՌԻԱ նովոստի»-ն:
«Պետության ղեկավարի հրամանով Աբդիմոմունով Ազամաթ Կուրմանբեկովիչն ազատվել է Ղազախստանի Հանրապետության Անվտանգության խորհրդի քարտուղարի տեղակալի պաշտոնից»,- հայտնել են պետության ղեկավարի մամուլի ծառայությունից։
Ավելի վաղ դավաճանության կասկածանքով ձերբակալել էին հանրապետության առաջին նախագահ Նուրսուլթան Նազարբաևի գործընկերոջը և Ազգային անվտանգության կոմիտեի նախկին ղեկավար Քարիմ Մասիմովին։
Ղազախստանում զանգվածային բողոքի ակցիաներ են սկսվել հունվարի 2-ին։ Սկզբում Ժանաօզեն և Ակտաու քաղաքների բնակիչները դուրս էին եկել փողոց՝ իրենց բողոքի ձայնը բարձրացնելու ընդդեմ գազի թանկացման։ Ավելի ուշ բողոքի ակցաները տարածվել էին ամբողջ երկրով մեկ։ Իշխանությունները հայտնել էին, որ կվերանայեն գազի սակագինը, սակայն երկրում իրավիճակը չէր կայունացել։ Ղազախստանի նախագահ Կասիմ-Ժոմարտ Տոկաևը, բողոքի ցույցերի համատեքստում, հայտարարել էր, որ այսուհետ ինքն է Ղազախստանի Անվտանգության խորհրդի ղեկավարը։
ՀԱՊԿ (Հավաքական անվտանգության պայմանագրի կազմակերպություն) հավաքական անվտանգության խորհրդի՝ 2022 թվականի հունվարի 6-ին ընդունված որոշման համաձայն՝ Ղազախստանի Հանրապետությունում իրավիճակի կայունացման և կարգավորման հաստատման նպատակով սահմանափակ ժամանակահատվածով այդ երկիր են ուղարկվել ՀԱՊԿ հավաքական խաղաղապահ ուժերը:
