26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ղազախստանում ձերբակալվել է բողոքի ցույցերի ավելի քան 3800 մասնակից
Քաղաքականություն
07.01.2022 | 17:11
Ղազախստանի իրավապահ մարմինները երկրում սկսված անկարգությունների պատճառով ձերբակալել են 3811 մարդու։ Այս մասին հայտնում է ղազախական Tengrinews-ը՝ հղում կատարելով հանրապետության ՆԳՆ-ին։
«Ողջ Ղազախստանում ձերբակալվել է 3811 մարդ»,- ասվում է հայտարարության մեջ։
Գերատեսչության տվյալների համաձայն՝ բողոքի ցույցերի 26 մասնակից սպանվել է, ևս 26-ը՝ վիրավորվել։
Հիշեցնենք՝ իրավիճակը Ղազախստանում սրվեց հունվարի 2-ին, երբ Ժանաոզենում (քաղաք երկրի արևմուտքում գտնվող Մանգիստաու շրջանում) սկսվեցին բողոքի ցույցեր՝ ընդդեմ հեղուկ գազի գների կտրուկ բարձրացման։ Դրանք այնուհետև վերաճեցին զանգվածային բողոքի ցույցերի ամբողջ երկրում՝ տնտեսական և քաղաքական պահանջներով: Հունվարի 4-ին և 5-ին Ալմաթիում բախումներ են գրանցվել ցուցարարների և անվտանգության աշխատակիցների միջև։ Կան զոհեր և վիրավորներ։
Հունվարի 5-ի առավոտյան Ղազախստանի նախագահը ցրել է կառավարությունը։ Տոկաևը դիմել է նաև ՀԱՊԿ երկրների ղեկավարներին՝ խնդրելով աջակցություն ցուցաբերել երկրում ահաբեկչական սպառնալիքի հաղթահարման գործում։
ՀՀ վարչապետ Նիկոլ Փաշինյանն ավելի վաղ հայտնել է, որ Ղազախստանի Հանրապետության նախագահ Կասիմ-Ժոմարտ Տոկաևի դիմումի հիման վրա և Ղազախստանի ազգային անվտանգությանն ու ինքնիշխանությանը սպառնացող վտանգների բերումով, որն առաջացել է այդ թվում արտաքին միջամտության հետևանքով, ՀԱՊԿ Հավաքական անվտանգության խորհուրդը Հավաքական անվտանգության պայմանագրի 4-րդ հոդվածի համաձայն՝ որոշում է կայացրել սահմանափակ ժամանակահատվածով Ղազախստանի Հանրապետություն ուղարկել ՀԱՊԿ հավաքական խաղաղապահ ուժեր՝ այդ երկրում իրավիճակի կայունացման և կարգավորման նպատակով:
Տաթև Ֆռանգյան
