16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Ղազախ բանկիրը հայտարարել է, թե ինքն է առաջնորդում ընդդիմության բողոքի ցույցերը
Քաղաքականություն
07.01.2022 | 15:31
Ղազախստանն այժմ աշխարհաքաղաքական խաղի մեջ է, և եթե Արևմուտքը չմտնի պայքարի մեջ, ապա Ռուսաստանը Կենտրոնասիական հանրապետությունում կվերականգնի Խորհրդային Միությունը։
Reuters-ի հետ զրույցում այսպիսի կարծիք է հայտնել Ղազախստանի կառավարությունում նախարարի պաշտոն զբաղեցրած նախկին բանկիր Մուխթար Աբլյազովը, որը ներկայանում է որպես ղազախական ընդդիմության ցույցերի առաջնորդ: Փարիզում ապրող գործիչը հայտարարել է, որ Արևմուտքը պետք է մտնի կռվի մեջ:
«Եթե ոչ, ապա Ղազախստանը կվերածվի Բելառուսի, իսկ Պուտինը մեթոդաբար կպարտադրի իր ծրագիրը՝ Խորհրդային Միության նման կառույցի վերականգնում»,- ասել է Աբլյազովը Reuters-ին։
Աբլյազովն իրեն ներկայացրել է որպես ընդդիմության բողոքի ցույցերի առաջնորդ և հայտնել, որ Ալմաթիից ամեն օր իր հետ խորհրդակցում են մարտավարության վերաբերյալ:
«Ես ինձ տեսնում եմ որպես ընդդիմության առաջնորդ»,- ասել է նա։ «Ամեն օր ինձ զանգահարում են ցուցարարներն ու հարցնում. «Ի՞նչ անենք, մենք այստեղ կանգնած ենք՝ ի՞նչ անենք»։
Տաթև Ֆռանգյան
