07.05.2025 | 20:34
Բայրամովն Իրաքի ԱԳՆ-ի հետ խոսել է Հայաստանի և Ադրբեջանի միջև խաղաղության հասնելու խոչընդոտներից
Ղազախստանում իրավիճակը կայունանում է. ուժայինները շարունակում են վերահսկողությունը
Քաղաքականություն
06.01.2022 | 22:49
Հինգշաբթի օրը ուժայիններին հաջողվել է ցուցարարներից ազատել Ալմաթիի Հանրապետության հրապարակը, որը դարձել էր Ղազախստանում ծավալված բողոքի ցույցերի էպիկենտրոնը: Այս մասին գրում է ՏԱՍՍ-ը:
Ականատեսների վկայությամբ` կան զոհեր և վիրավորներ, սակայն այդ մասին պաշտոնական տվյալներ դեռևս չեն տրամադրվել:
Հաղորդվում է, որ ցերեկը իշխանությունները բավարարել են ցուցարարների հիմնական պահանջը` կես տարով սառեցրել են ավտոմեքենաների գազի գնաճի պրոցեսը:
Նշվում է նաև, որ անկարգություններին զոհ գնացած անձանց թիվը հասնում է մի քանի տասնյակի: Երկրի ԱԳՆ-ի տեղեկությունների համաձայն` այս պահի դրությամբ` զոհվել է 18 ուժային, գրեթե 750-ը` ստացել տարբեր վնասվածքներ:
ՏԱՍՍ-ի տեղեկությունների համաձայն` իրավիճակը կայուն է կամ կայունանում է Ղազախստանի մյուս քաղաքներում ու շրջաններում ևս` Նուր-Սուլթանում, Ակտաուում, Շիմկենտում և այլուր:
Նշվում է, որ արդեն երկիր են ժամանել ռուս և բելառուս խաղապահները, իսկ Տաջիկստանից մոբիլիզացնող զորքեր են միացել:
Հիշեցնենք՝ իրավիճակը Ղազախստանում սրվեց հունվարի 2-ին, երբ Ժանաոզենում (քաղաք երկրի արևմուտքում գտնվող Մանգիստաու շրջանում) սկսվեցին բողոքի ցույցեր՝ ընդդեմ հեղուկ գազի գների կտրուկ բարձրացման։ Դրանք այնուհետև վերաճեցին զանգվածային բողոքի ցույցերի ամբողջ երկրում՝ տնտեսական և քաղաքական պահանջներով: Հունվարի 4-ին և 5-ին Ալմաթիում բախումներ են գրանցվել ցուցարարների և անվտանգության աշխատակիցների միջև։ Կան զոհեր և վիրավորներ։
Հունվարի 5-ի առավոտյան Ղազախստանի նախագահը ցրել է կառավարությունը։ Տոկաևը դիմել է ՀԱՊԿ երկրների ղեկավարներին՝ խնդրելով աջակցություն ցուցաբերել երկրում ահաբեկչական սպառնալիքի հաղթահարմանը։
