05.03.2026 | 18:33
«Ավետարան, որի ճամփան նման է հայերի ճակատագրին»․ միջնադարյան ձեռագրի ոդիսականը
ԵՄ-ն Ռուսաստանին կոչ է արել հարգել Ղազախստանի ինքնիշխանությունը
Քաղաքականություն
06.01.2022 | 18:00
Եվրամիությունը հայտարարել է, որ Ռուսաստանը պետք է հարգի Ղազախստանի ինքնիշխանությունն ու անկախությունը այն բանից հետո, ինչ Մոսկվան դեսանտայիններ է ուղարկել նախկին խորհրդային հանրապետություն, գրում է Aljazeera-ն:
Եվրահանձնաժողովը՝ ԵՄ գործադիր թևը, ևս բոլոր կողմերին կոչ է արել զսպվածություն ցուցաբերել։
«Բռնությունը պետք է դադարեցվի. մենք բոլոր կողմերին նաև կոչ ենք անում զսպվածության և իրավիճակի խաղաղ հանգուցալուծման։ Այժմ ակնհայտ է, որ ԵՄ-ն պատրաստ է և ցանկանում է աջակցել երկրում երկխոսությանը», – ասել է ԵՄ խոսնակը:
Հիշեցնենք, որ այսօր ավելի վաղ տեղեկություններ հայտնվեցին այն մասին, որ Հավաքական անվտանգության պայմանագրի կազմակերպության (ՀԱՊԿ) հավաքական խաղաղապահ ուժերն ուղարկվել են Ղազախստան, ռուսական զորախմբի առաջավոր ստորաբաժանումներն արդեն սկսել են կատարել իրենց խնդիրները։
Տաթև Ֆռանգյան
