24.04.2026 | 23:32
Կապանում ջրանջատում կլինի
Փարիզում սկանդալից հետո հանել են Հաղթական կամարի տակ տեղադրված ԵՄ-ի դրոշը
Քաղաքականություն
02.01.2022 | 16:45
ԵՄ-ի դրոշը, որն ավելի վաղ կախել էին Փարիզում՝ ի պատիվ ԵՄ Խորհրդում Ֆրանսիայի նախագահության, հանվել է աջ քաղաքական գործիչների կտրուկ քննադատությունից հետո, սակայն Եվրամիության դրոշը խորհրդանշող աստղերի պաստառները մնացել են, փոխանցում է «ՌԻԱ Նովոստի»-ի թղթակիցը:
ԵՄ-ի դրոշը մի քանի օր պետք է ծածանվեր Հաղթական կամարի տակ. այն պլանավորվում էր հանել Սուրբ Ծննդյան իլյումինացիայի հետ միասին, որը Ելիսեյան դաշտերից հեռացնում են հունվարի 9-ին: Սակայն հունվարի 2-ին իշխանությունները որոշել են հանել Եվրամիության դրոշը։ Կամարի պարագծով, այնուամենայնիվ, մնացել են կապույտ ֆոնի վրա աստղերի պաստառները, որոնք խորհրդանշում են ԵՄ-ն:
Ծայրահեղ աջ «Ազգային միավորում» կուսակցության առաջնորդ, Ֆրանսիայի նախագահի թեկնածու Մարին Լը Պենն այն անվանել է «հայրենասիրական հաղթանակ»:
Միևնույն ժամանակ ֆրանսիական դրոշը կամարի տակ դեռ չեն վերադարձրել։
Ավելի վաղ տեղեկացրել էինք, որ 2022 թվականի սկզբից Եվրամիության Խորհրդում փոխվեց նախագահությունը։ Ֆրանսիան հունվարի 1-ին ռոտացիայով գլխավորել է ԵՄ-ի տվյալ օրենսդիր մարմինը։
