10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ձյան առատ տեղումներ Ճապոնիայում․ ավելի քան 230 ավիաչվերթ է չեղարկվել
Քաղաքականություն
02.01.2022 | 15:16
Վերջին երկու օրերի ընթացքում Ճապոնիայի արևմտյան և հյուսիսային շրջաններում տեղացած ձյան առատ տեղումների պատճառով ավելի քան 230 ավիաչվերթ է չեղարկվել, հաղորդում է NHK հեռուստաալիքը:
Մասնավորապես, չեղարկվել են չվերթները Հոկայդո կղզու Սապորո քաղաքի օդանավակայանից։ Ձյան մաքրման համար այնտեղ ադմինիստրացիան ստիպված է եղել երեք ժամով փակել թռիչքուղին։
Մարդիկ, որոնք չեն կարողացել թռչել իրենց չվերթներով և ստիպված են եղել փոխել հետագա չվերթների տոմսերը, Սին Տիտոսեի օդանավակայանում հսկայական հերթեր են գոյացրել։
Ներկայումս Հոկայդոյի մի շարք շրջաններում ձյան ծածկույթի բարձրությունը գերազանցում է մեկ մետրը: Մասնագետները կոչ են անում մարդկանց, ովքեր ծրագրում են ամանորյա տոներից հետո վերադառնալ այլ քաղաքներ, հատուկ զգոնություն ցուցաբերել։
