15.11.2024 | 22:14
Ֆրանսիայում ավարտվում է Ուկրաինայի զինված ուժերի բրիգադի ուսուցումը
Ամերիկյան 12 ռազմանավ ուղևորվում է Սիրիա. Daily.mail
Քաղաքականություն
13.04.2018 | 16:41
Ամերիկյան 12 ռազմանավ ուղևորվում է Սիրիա: Սա 2003թ․-ից ի վեր ԱՄՆ-ի՝ Իրաք ներխուժումից հետո ռազմածովային ուժերի երկրորդ կուտակումն է. գրում է Daily.mail-ը:
Ռազմանավերից մեկը ծովային հսկա Harry S Truman- ավիակիրն է, որը 90 ինքնաթիռ է տեղափոխում:
Հիշեցնենք, որ Լիբանանում Ռուսաստանի դեսպան Ալեքսանդր Զասիպկինը հայտարարել էր, որ ԱՄՆ ագրեսիայի դեպքում Ռուսաստանն իրեն իրավունք կվերապահի ոչնչացնել Սիրիայի վրա արձակված հրթիռներն ու կրակի աղբյուրները: Չուշացավ ԱՄՆ արձագանքը. ԱՄՆ նախագահ Դոնալդ Թրամփը Ռուսաստանին խորհուրդ տվեց պատրաստվել. «Ռուսաստանը խոստանում է խոցել Սիրիայի դեմ ուղղված բոլոր հրթիռները: Պատրաստվի՛ր Ռուսաստան, քանի որ դրանք՝ նոր և «խելացի» հրթիռներ են: Դու չպետք է գազով սպանող կենդանուն (նկատի ունի Բաշար Ալ Ասադին- Factor.am) գործընկեր լինեիր, որը սպանում է սեփական ժողովրդին ու դրանից հաճույք ստանում»,- Թվիթերի իր էջում գրել էր Թրամփը: Ապա հաջորդեց Թրամփի մեկ այլ գրառում. «Ես երբեք չեմ ասել, թե երբ կլինի Սիրիայի վրա հարձակումը: Գուցե շատ շուտով, գուցեև ոչ այնքան շուտ: Ամեն դեպքում, Միացյալ Նահանգներն, իմ վարչակազմի ներքո, մեծ աշխատանք է կատարել տարածաշրջանից ԻՊ-ին դուրս բերելու համար: Որտե՞ղ է մեր շնորհակալությունը, Ամերիկա»:
