21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Երևանի և Անկարայի միջև հարաբերությունների կարգավորումը կնպաստի տարածաշրջանում վստահության մթնոլորտի ստեղծմանը․ Զախարովա
Քաղաքականություն
30.12.2021 | 16:01
Մոսկվայի կարծիքով՝ Երևանի ու Անկարայի միջև հարաբերությունների կարգավորումը կնպաստի տարածաշրջանում վստահության ու բարիդրացիության մթնոլորտի ստեղծմանը։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ելնում ենք այն հանգամանքից, որ Երևանի ու Անկարայի միջև հարաբերությունների կարգավորումը կնպաստի տարածաշրջանում ընդհանուր մթնոլորտի կարգավորմանն ու վստահության ու բարիդրացիության մթնոլորտի ստեղծմանը»,- հայտարարել է նա։
Զախարովան նշել է, որ ՌԴ-ն մշտապես պատրաստակամություն է դրսևորել՝ հայ-թուրքական հարաբերությունների կարգավորման հարցում դերակատարություն ունենալու համար։
«Մեր կարծիքով՝ տրամաբանական քայլ էր երկու կողմերի՝ հարաբերությունները կարգավորելու փոխադարձ ձգտմանը հասնելու նպատակով հատուկ ներկայացուցիչների նշանակումը։ Ռուսաստանը բազմիցս առաջարկել է միջնորդական ջանքեր գործադրել՝ այս կարգավորման հարցում դերակատարարություն ունենալու համար»,- եզրափակել է Զախարովան։
Տաթև Ֆռանգյան
