Ինչպես երեկ տեղեկացրել էինք, «Մերժիր Սերժին» և «Իմ քայլը» նախաձեռնության անդամների իրականացրած ակցիայի ժամանակ մի մեքենա վրաերթի էր ենթարկել «Մերժիր Սերժին» նախաձեռնության անդամ Արեն Մկրտչյանին։
Երեկ տեսանյութից պարզ դարձավ, որ վրաերթի հեղինակի մեքենան սպասարկում է «GG» տաքսի ծառայությանը։ Ակտիվիստների բողոք-պահանջից հետո ծառայությունը դադարեցրել է վարորդի հետ համագործակցությունը։
Նշենք, որ ակցիայի ժամանակ մեքենան փորձում էր անցնել առաջ, չնայած, որ ցուցարաները փողոցը փակել էին, նա վարում էր ցուցարար աղջիկներից մեկի ուղղությամբ, երբ Արեն Մկրտչյանը բարձրացավ մեքենայի առաջնամասի վրա և փորձեց կասեցնել ընթացքը, մեքենան արագ սլացքով ակտիվիստ երիտասարդին գետնին տապալեց։
Լիլիթ Շաբոյան
