10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Ադրբեջանը Ֆրանսիային բողոքի նոտա է հղել նախագահի թեկնածու Վալերի Պեկրեսի Արցախ այցի կապակցությամբ․ ԼՈւՍԱՆԿԱՐՆԵՐ
Քաղաքականություն
23.12.2021 | 19:33
Ադրբեջանի ԱԳՆ է հրավիրվել Բաքվում Ֆրանսիայի գործերի ժամանակավոր հավատարմատարը, որին բողոքի նոտա է հանձնվել Իլ դե Ֆրանս շրջանի ղեկավար Վալերի Պեկրեսի՝ Արցախի Հանրապետություն այցի կապակցությամբ։ Այս մասին հայտնում են ադրբեջանական լրատվամիջոցները։
Նշվում է նաև, որ Իլ դե Ֆրանս շրջանի ղեկավար, Ֆրանսիայի նախագահի թեկնածու Վալերի Պեկրեսը հայտնվել է Ադրբեջանի «անցանկալի անձանց սև ցուցակում»՝ Ստեփանակերտ կատարած «անօրինական այցի համար»։
Հավելենք, որ աջ Հանրապետական կուսակցության կողմից նախագահի պաշտոնում առաջադրված Վալերի Պեկրեսը բավական նշանակալի պատվիրակությամբ այցելել էր Հայաստան, ինչպես նաև եղել Արցախում։ Ստեփանակերտում նա հանդիպել էր Արցախի Հանրապետության նախագահ Արայիկ Հարությունյանին։
Էմմա Չոբանյան
