17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Քաղաքացիներն ի՞նչ պարտավորություն են ունենալու ՍԴ որոշումից հետո. Վարդևանյանը պարզաբանում է. ՏԵՍԱՆՅՈւԹ
Քաղաքականություն
23.12.2021 | 18:51
«Օրենքի դրույթն այնպես չէր, որ հակասահմանադրական էր, մենք փորձում էինք կանխել հակասահմանադրական մեկնաբանությունները»,- այս մասին լրագրողների հետ զրույցում նշեց ԱԺ «Հայաստան» խմբակցության պատգամավոր Արամ Վարդևանյանն՝ անդրադառնալով ՍԴ-ի՝ ՊՇՌ թեստավորումը քաղաքացիների հաշվին իրականացնելու Ավանեսյանի հրամանն անվավեր ճանաչելու որոշմանը։
Նրա խոսքով՝ ՍԴ որոշմամբ հնարավոր ռիսկերը փարատվեցին։
«Առողջապահության նախարարի հայտնի հրամանի ամենամեծ խնդիրը նրանում էր, որ ՀՀ բոլոր աշխատողների վրա դրվում էր պարտականություն՝ իրենց սակավ միջոցների հաշվին կատարել ՊՇՌ հետազոտումների ծախսերը։ Այդ մասով ճանաչվեց սահմանադրությանը հակասող և անվավեր։ Սա մեր դիմումի անկյունաքարերից մեկն էր։ Շատ կարևորում եմ, որ հենց այդ մասով ՍԴ-ն իրականացրեց լիարժեք արդարադատություն»,- նշեց Վարդևանյանը:
Նրա խոսքով՝ աշխատողներն իրենց միջոցներով ՊՇՌ հետազոտություններ չեն կատարելու, քանի որ այն հակասահմանադրական է. «Աշխատողներին գործատուն այլևս չի կարող ասել, որ կգնաս քո գրպանից գումարն կմուծես ՊՇՌ հետազոտությունների համար»։
«Բայց եկեք մի բան ընդգծենք, որ կորոնավիրուսային հիվանդության դեմ լավագույն միջոցը պատվաստումներն են»,- ասաց պատգամավորը։
Մանրամասները՝ տեսանյութում:
