11.09.2026 | 14:05
Նյու Յորքում սեպտեմբերի 11-ի հարձակումների 25-րդ տարելիցի հիշատակի միջոցառումներ կանցկացվեն
Թրամփը հետաձգել է իր նախընտրական խոստումը՝ Մեքսիկայի հետ սահմանային պատի կառուցումը
26.04.2017 | 11:59
ԱՄՆ նախագահ Դոնալդ Թրամփը հերքել է լուրերն այն մասին, թե նա թաղել է Մեքսիկայի հետ սահմանին պատի կառուցման նախագիծը, բայց պատրաստակամություն է հայտնել հետաձգել դաշնային բյուջեից դրա համար միջոցներ խնդրելու հարցը, հայտնում է CNN-ը։
«Թույլ մի տվեք կեղծ ԶԼՄ-ներին ձեզ ստեր պատմել՝ իբր ես փոխել եմ պատի մասին իմ կարծիքը: Այն կկառուցվի և կկանգնեցնի թմրանյութերը, մարդկանց առևտուրը և այլն»,- Twitter-ի իր էջում գրել է Թրամփը:
Մեքսիկայի հետ սահմանին պատը Թրամփի նախընտրական կարևոր խոստումներից մեկն է եղել: Նախընտրական արշավի ժամանակ նա պնդում էր, որ համոզել է Մեքսիկային վճարել կառուցման համար, սակայն մեքսիկական իշխանությունները հստակ հասկացրել են, որ ոչ մի գումար չեն տրամադրի պատի համար:
Նախագահն արդեն մի քանի անգամ փոխել է նախագծի արժեքի իր գնահատականը: Նշված գումարներից մեկը 10 միլիարդ դոլարն է:
