24.04.2026 | 23:32
Կապանում ջրանջատում կլինի
ՌԴ-ն պատշաճ պատասխան կտա Ուկրաինայում ցանկացած սադրանքի․ Լավրով
Քաղաքականություն
22.12.2021 | 18:18
Մոսկվան նախազգուշացնում է Ուկրաինայում «տաք գլուխներին» առճակատման մասին, սակայն պատրաստ է պատասխանել։ ՌԻԱ Նովոստիի հաղորդմամբ՝ այս մասին հայտարարել է ՌԴ արտգործնախարար Սերգեյ Լավրովը։
Նա Կիևի և Արևմուտքի հաշվարկն անվանել է շատ պարզ՝ «զորքեր տեղակայելով Ռուսաստանի սահմանների մոտ՝ նրանք ցանկանում են խախտել հավասարակշռությունը տարածաշրջանում»։
«Երեկ Վլադիմիր Պուտինը Պաշտպանության նախարարության կոլեգիայի նիստում շատ հստակ ասաց, որ մենք ունենք բոլոր անհրաժեշտ հնարավորությունները՝ պատշաճ, այդ թվում՝ ռազմատեխնիկական պատասխան տալու ցանկացած սադրանքի, որ կարող է ծավալվել մեր շուրջը»,- ընդգծել է դիվանագետը։
Նա նաև մտահոգություն է հայտնել, որ Փարիզն ու Բեռլինը աջակցում են Կիևին, որը խախտում է մինսկյան պայմանավորվածությունները։
Տաթև Ֆռանգյան
