22.08.2026 | 20:04
Ըմբշամարտի Մ-20 ԱԱ. Հենրիկ Հայկյանը կգոտեմարտի բրոնզե մեդալի համար
ԱՊՀ երկրների ղեկավարները հավաքվելու են Պետերբուգում՝ ոչ պաշտոնական գագաթնաժողովի
Քաղաքականություն
22.12.2021 | 15:39
ՌԴ նախագահի մամուլի խոսնակ Դմիտրի Պեսկովը հայտնել է, որ ԱՊՀ երկրների ղեկավարների ոչ պաշտոնական գագաթնաժողովը, որը նախապատրաստվում է դեկտեմբերի 28-ին Սանկտ Պետերբուրգում, տեղի է ունենալու ոչ թե առցանց, այլ դեմ առ դեմ ձևաչափով, գրում է ՏԱՍՍ գործակալությունը։
«Այո՛, ընթանում է ղեկավարների անձնական հանդիպման նախապատրաստումը»,- ասել է Պեսկովը։
Ավելի վաղ ԱՊՀ գործադիր քարտուղար Սերգեյ Լեբեդևը լրագրողներին ասել էր, որ 2022 թվականի հոկտեմբերի 14-ին Ղազախստանի մայրաքաղաք Նուր Սուլթանում տեղի է ունենալու ԱՊՀ պետությունների ղեկավարների խորհրդի նոր նիստը։
Նա չէր բացառել, որ դրանից առաջ կարող է նաև ղեկավարների ոչ պաշտոնական հանդիպում տեղի ունենալ։
Էմմա Չոբանյան
