17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Լավրովը ՆԱՏՕ-ի գլխավոր քարտուղարին մեղադրել է ոչ ադեկվատ հայտարարություններ անելու համար
Քաղաքականություն
22.12.2021 | 15:21
ՌԴ ԱԳ նախարար Սերգեյ Լավրովն այսօր RT-ին տված հարցազրույցում անդրադարձել է ԱՄՆ-ին փոխանցված անվտանգության երաշխիքների թեմային։ Նա ասել է, որ ռուսական կողմը ներկայացրել է հնարավոր պայմանավորվածությունների իր տեսլականը։
«Փաստաթղթերից մեկը վերաբերվում է ՌԴ-ի և ԱՄՆ-ի հարաբերություններին․ այն կոչվում է Անվտանգության պայմանագիր ՌԴ-ի և ԱՄՆ-ի միջև։ Երկրորդ փաստաթուղթը համաձայնագրի նախագիծ է՝ ՆԱՏՕ-ի և ՌԴ-ի հարաբերությունների շրջանակում անվտանգության խնդիրների լուծման մասին»,- ասել է Լավրովը։
Նա, միաժամանակ, ՆԱՏՕ-ի գլխավոր քարտուղարի Յենս Ստոլտենբերգին մեղադրել է ոչ ադեկվատ հայտարարություններ անելու համար։
«Չնայած պարոն Ստոլտենբերգը մշտապես տարբեր ոչ ադեկվատ հայտարարություններ է անում, նա շուտով պատրաստվում է գնալ՝ նրա պաշտոնավարման ժամկետն ավարտվում է։ ՆԱՏՕ-ի հիմքում կան մի շարք սկզբունքներ՝ կնքված ու համայաձայնեցված բարձր մակարդակով։ Երբ Ստոլտենբելգը մեծամտաբար հայտարարում է, որ ոչ ոք իրավունք չունի խախտել Վաշինգտոնյան պայմանագրի հիմքերը, որը բաց է կազմակերպությանն անդամակցել ցանկացող բոլորի համար․․․ Մենք այդ պայմանագրի անդամ չենք, սակայն մենք ավելի լայն Եվրատլանտյան պայմանագրի անդամ ենք, որում կա անվտանգության չբաժանման սկզբունքը։ Եթե պարոն Ստոլտենբերգը գտնում է, որ ՆԱՏՕ-ի անդամները կարող են դրա վրա թքել, ապա ժամանակն է, որ գնա այլ աշխատանքի»,- ասել է Լավրովը՝ հավելելով, որ Ստոլտենբերգը լավ չի կատարում իր պարտականությունները։
Նա նշել է, որ ԱՄՆ-ի հետ գործնական հարաբերություններ են այդ առումով։ Լավրովը հայտնել է նաև, որ հաջորդ տարվա սկզբին ամերիկյան կողմի հետ բանակցություններ են սպասվում։
Էմմա Չոբանյան
