Քաղաքականություն
22.12.2021 | 13:00
Իրանի ԱԳ նախարար Հոսեյն Ամիր Աբդոլլահիանը ժամանել է Ադրբեջան, հաղորդում են ադրբեջանական լրատվամիջոցները։
Նշվում է, որ մեկօրյա այցի ընթացքում Իրանի ԱԳ նախարարը Բաքվում մի շարք հանդիպումներ է անցկացնելու պաշտոնատար անձանց հետ։ Քննարկվելու են երկկողմ համագործակցության զարգացման հեռանկարներն ու արդիական տարածաշրջանային հարցեր։ Ըստ տեղեկությունների՝ Աբդոլլահիանը հանդիպելու է Ադրբեջանի նախագահ Իլհամ Ալիևին, ԱԳ նախարար Ջեյհուն Բայրամովին, փոխվարչապետ Շահին Մուսթաֆաևին և Մեջլիսի խոսնակ Սահիբա Գաֆարովային։
Երկու երկրների ԱԳ նախարարները հանդիպումից հետո նաև համատեղ մամուլի ասուլիս են անցկացնելու։
Ի դեպ, սա Աբդոլլահիանի առաջին այցն է Բաքու ԱԳ նախարարի պաշտոնում նշանակվելուց հետո։
Էմմա Չոբանյան
