29.06.2026 | 14:25
ՀՀ ֆինանսների նախարարն ու ԿԲ նախագահը միջազգային ներդրողներին ներկայացրել են Հայաստանի մակրոտնտեսական զարգացումները
Դավոսի Համաշխարհային տնտեսական ֆորումը չեղարկվել է կորոնավիրուսի «օմիկրոն» շտամի պատճառով
Քաղաքականություն
20.12.2021 | 19:15
Դավոսում ամենամյա Համաշխարհային տնտեսական ֆորումը (WEF), որը նախատեսված էր անցկացնել 2022 թվականի հունվարին, չեղյալ է հայտարարվել կորոնավիրուսի նոր՝ «օմիկրոն» շտամի տարածման պատճառով։ Այս մասին ասվում է ֆորումի պաշտոնական կայքում հրապարակված հաղորդագրությունում։
Ֆորումը հետաձգվել է մինչ ամռան սկիզբը, ժամկետները դեռ հստակեցված չեն։
«Ամենամյա հավաքը պետք է տեղի ունենար Շվեյցարիայի Դավոս-Կլոստերս քաղաքում 2022 թվականի հունվարի 17-ից 21-ը: Այն այժմ նախատեսված է ամառվա սկզբին»,- ասվում է հաղորդագրությունում:
Համաշխարհային տնտեսական ֆորումը նախկինում ավանդաբար անցկացվում էր ձմռանը Դավոսում, սակայն 2021 թվականին որոշվեց այն տեղափոխել Սինգապուր՝ Եվրոպայում կորոնավիրուսի հետ կապված իրավիճակի վատթարացման պատճառով։ Համաժողովը նախատեսվում էր անցկացնել օգոստոսի 17-ից 20-ը։ Ավելի ուշ կազմակերպիչները չեղարկել էին ֆորումը:
Տաթև Ֆռանգյան
