14.01.2026 | 18:41
Ղրղզստանում առաջարկում են Վլադիմիր Սոլովյովին անցանկալի անձ հայտարարել
Արցախաադրբեջանական շփման գծում այս պահին էլ կրակոցներ են հնչում. Սենոր Հասրաթյան
17.06.2017 | 13:06
Արցախա-ադրբեջանական շփման գծում այս պահին էլ կրակոցներ են հնչում: Այս մասին factor.am-ի հետ զրույցում ասաց Արցախի ՊԲ մամուլի խոսնակ Սենոր Հասրաթյանը:
«Հակառակորդը հրաձգային զենքերից ընդհատումներով խախտումներ է իրականացնում»,- ասաց նա:
Հիշեցնենք, որ այսօր առավոտյան շփման գծի հյուսիսային հատվածում տեղակայված դիրքերից մեկում հակառակորդի կողմից մահացու վիրավորում է ստացել ՊԲ զինծառայող, 1997թ. ծնված Նարեկ Տիգրանի Գասպարյանը: Երեք զոհ էլ երեկ երեկոյան հաղորդվեց. մահացու վիրավորումներ են ստացել ՊԲ զինծառայողներ Արայիկ Ռուդիկի Մատինյանը (ծնված 1997թ.), Վիգեն Ժիրայրի Պետրոսյանը (ծնված 1997թ.) և Վարդան Ծովակի Սարգսյանը (ծնված 1997թ.):
Նկատենք, որ հունիսի 19-24-ը ադրբեջանական բանակը նախատեսում է «մարտական իրավիճակին մոտեցված պայմաններում» զորքերի պատրաստականության ստուգման մարտավարական վարժանքներ անցկացնել:
Սեդա Ղուկասյան
