14.09.2026 | 12:10
Հայաստան գազամատակարարումը ժամանակավոր կդադարեցվի // Լռության րոպե ԱԺ-ում՝ 2022-ի զոհերի հիշատակին․ ԼՈՒՐԵՐ
Վրաստանը միշտ պատրաստ է կարևոր դեր խաղալ տարածաշրջանում խաղաղության և կայունության հասնելու գործում․ Ղարիբաշվիլին՝ Փաշինյանին
Քաղաքականություն
20.12.2021 | 15:51
Վրաստանը միշտ պատրաստ է կարևոր դեր խաղալ տարածաշրջանում խաղաղության և կայունության հասնելու գործում, հայտարարել է Վրաստանի կառավարության ղեկավար Իրակլի Ղարիբաշվիլին Հայաստանի վարչապետ Նիկոլ Փաշինյանի մասնակցությամբ միջկառավարական տնտեսական հանձնաժողովի նիստի բացման ժամանակ։ Հանձնաժողովի նիստը պետք է տեղի ունենար դեռևս 2020 թվականին, սակայն այն տապալվել է կորոնավիրուսի համաճարակի պատճառով, գրում է Սպուտնիկի վրացական ծառայությունը։
«Վրաստանը միշտ մոտիվացված է այս գործընթացում (խաղաղության և կայունության հասնելու գործում) կարևոր դերերից մեկը խաղալու հարցում, հենց այդ նպատակով ես հնչեցրել եմ խաղաղ հարևանության նախաձեռնությունը և ուզում եմ հաստատել, պարո՛ն վարչապետ, որ մենք միշտ պատրաստ ենք մասնակցել և նպաստել տարածաշրջանում խաղաղության և կայունության զարգացմանը»,- ասել է Ղարիբաշվիլին։
Հիշեցնենք, որ Վրաստանը հրաժարվել է մասնակցել հանդիպմանը, որն անցկացվել է Մոսկվայում «3+3» հարթակի շրջանակում՝ Ադրբեջանի, Հայաստանի, Իրանի, Ռուսաստանի և Թուրքիայի փոխարտգործնախարարների մակարդակով։ Հարթակը ստեղծվել է Ադրբեջանի նախագահ Իլհամ Ալիևի և Թուրքիայի նախագահ Ռեջեփ Թայիփ Էրդողանի նախաձեռնությամբ։
Տաթև Ֆռանգյան
