22.08.2026 | 18:55
Ozon-ի վրա առաջին հարձակումն է տեղի ունեցել․ Զելենսկին մեկնաբանել է
ՀԱՊԿ գլխավոր քարտուղարը կայցելի Հայաստան
Քաղաքականություն
20.12.2021 | 14:10
Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը դեկտեմբերի 22-24-ը կայցելի Հայաստան՝ հանդիպելու երկրի բարձրագույն քաղաքական և ռազմական ղեկավարության հետ։ Այս մասին տեղեկանում ենք ՀԱՊԿ կայքից։
Նշվում է, որ այցի ընթացքում նախատեսված է հանդիպում Հայաստանի վարչապետ Նիկոլ Փաշինյանի հետ, որն այս տարի ՀԱՊԿ Հավաքական անվտանգության խորհրդի նախագահն է։
Նախատեսվում է, որ հանդիպման ընթացքում Զասը Փաշինյանին կներկայացնիՀավաքական անվտանգության խորհրդի սեպտեմբերյան նստաշրջանի որոշումների կատարման և Հայաստանի նախագահության ընթացքում ՀԱՊԿ գործունեության առաջնահերթ ուղղությունների իրականացման գործողությունների ծրագրի նախագիծը։
Նախատեսվում է նաև, որ ՀԱՊԿ գլխավոր քարտուղարը կհանդիպի ԱԳ նախարար Արարատ Միրզոյանի, պաշտպանության նախարար Սուրեն Պապիկյանի և Անվտանգության խորհրդի քարտուղար Արմեն Գրիգորյանի հետ։
Հիշեցնենք, որ ՀԱՊԿ-ի կազմում են Հայաստանը, Ռուսաստանը, Բելառուսը, Ղազախստանը, Ղրղզստանը և Տաջիկստանը։
Տաթև Ֆռանգյան
