18.01.2026 | 11:31
Վթարային ջրանջատում Վայոց Ձորի մարզում
Էրդողանի հայտարարություններից հետո թուրքական լիրան արժեզրկման նոր ռեկորդ է գրանցել՝ գերազանցելով մեկ դոլարի դիմաց 17 լիրայի շեմը
Տնտեսություն
20.12.2021 | 13:25
Թուրքիայի նախագահ Ռեջեփ Թայիփ Էրդողանի՝ ցածր տոկոսադրույքների տնտեսական քաղաքականության և գնաճի մասին հայտարարություններից հետո լիրան արժեզրկման նոր ռեկորդ է գրանցել։ Այս մասին գրում է Reuters-ը։
Նյութի հրապարակման պահին լիրայի արժեքը մեկ դոլարի դիմաց կազմել է 17․2։ Թուրքական արժույթն այս տարի կորցրել է իր արժեքի կեսից ավելին։
Նշվում է, որ Էրդողանը նախօրեին կրկին պաշտպանել է իր տնտեսական քաղաքականությունը՝ նշելով, որ փոխարժեքների անկայունությունը պետք է դիտարկել որպես հարձակում երկրի տնտեսության վրա, ինչը երաշխավորում է, որ գնաճը, որը հասել է 21,3%-ի, կնվազի՝ միանիշ թվի հասնելով։
Էրդողանի նոր տնտեսական քաղաքականությունն առաջնահերթություն է տալիս արտահանմանը և վարկավորմանը, թեև տնտեսագետներն ու ընդդիմադիրները լայնորեն քննադատում են այն՝ անվանելով անխոհեմ: Գնաճի հետ մեկտեղ, թուրքերի ծախսերը կտրուկ նվազել են։
Հիշեցնենք, որ նախորդ շաբաթ թուրքական լիրան երեք անգամ արժեզրկման ռեկորդ էր գրանցել։
Էմմա Չոբանյան
