11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Հայրենադարձության որոշումը յուրաքանչյուր սփյուռքահայի կյանքի ամենակարևոր որոշումներից մեկն է. Սինանյան
Հասարակություն
18.12.2021 | 12:03
Սփյուռքի գործերի գլխավոր հանձնակատարի գրասենյակի «Հայրենադարձության շաբաթ» նախագծի շրջանակներում անցկացվել է շուրջ 80 երիտասարդ հայրենադարձների ծանոթության և մտքերի փոխանակման երեկո:
«20 երկրներից հայրենադարձված շուրջ 100 երիտասարդներն ուրբաթ երեկոն անցկացրին ծանոթությունների ու գինու մտերմիկ միջավայրում: Նրանք ձեռք բերեցին նոր կապեր, միմյանցից տեղեկացան տարբեր կազմակերպությունների և ծրագրերի մասին:
Հայրենադարձության շաբաթի շրջանակներում կազմակերպված այս հավաքը անցկացվեց ՀԲԸՄ հայաստանյան գրասենյակում:
Գլխավոր հանձնակատար Զարեհ Սինանյանն իր խոսքում նշեց, որ հայրենադարձության որոշումը յուրաքանչյուր սփյուռքահայի կյանքի ամենակարևոր և ամենապայծառ որոշումներից մեկն է: «Մեր գրասենյակի Հայրենադարձության շաբաթի ընթացքում չէինք կարող նման հավաք չկազմակերպել և բաց թողնել ձեզ ևս մեկ անգամ միասին տեսնելու այս հնարավորությունը»,-ընդգծեց Զարեհ Սինանյանը:
Հանդիպմանը մասնակցում էին նաև մեր գրասենյակի գործընկեր կազմակերպությունները:
Հավաքի ընթացքում հայրենադարձ գինեգործ Վահե Քեուշգուերյանը ներկայացրեց նաև իր գինիները»,- ասված է հաղորդագրությունում:
