16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Հայկ Մարությանը պատերազմից հետո ՔՊ-ից դուրս էր եկել ու խզել կապերն իշխանության հետ. Արփի Դավոյան․ ՏԵՍԱՆՅՈՒԹ
Քաղաքականություն
17.12.2021 | 17:01
Ինչո՞ւ իշխանությունը որոշեց ազատվելՀայկ Մարությանից: Factor TV-ի հետ զրույցում «Քաղաքացիական պայմանագիր» խմբակցության պատգամավոր Արփի Դավոյանն անդրադառնալով այս հարցին և դիտարկմանը, որ Երևանի քաղաքապետ Հայկ Մարությանին անվստահություն հայտնելու և պաշտոնանկ անելու գործընթաց է մեկնարկել, նշեց. «Երեկ ավագանու տարածած հայտարարության մեջ նշվել են պատճառները:
Կարծում եմ՝ գաղտնիք չէ, որ Հայկ Մարությանը իշխանության է եկել «Քաղաքացիական պայմանագիր» կուսակցության մանդատով: Եվ երբ մարդը հեռանում է կուսակցությունից և հանդես է գալիս որպես անկախ մարմին, մարդ, որը կապ չունի կուսակցության հետ և հայտարարում է, որ քաղաքականությամբ չի զբաղվում, զուտ քաղաքապետ է, հակասության մեջ են մտնում այդ երկու տեսանկյունները, որովհետև քաղաքապետի պաշտոնը քաղաքական է: Չի կարող քաղաքական մարմնի ղեկավարն ասել,որ ինքը քաղաքականությամբ չի զբաղվում և կապերը խզել կուսակցության հետ»:
Պատգամավորը հավելեց, որ Հայկ Մարությանը «Քաղաքացիական պայմանագրից» դուրս գալու դիմում գրել է պատերազմից հետո, և ու այլևս որևէ առնչություն չի ուզում ունենալ:
Մանրամասները՝ տեսանյութում:
