22.08.2026 | 20:04
Ըմբշամարտի Մ-20 ԱԱ. Հենրիկ Հայկյանը կգոտեմարտի բրոնզե մեդալի համար
Հայկ Մարությանին պաշտոնանկ անելու նախագիծն «Իմ քայլը» դեռ պաշտոնապես չի ներկայացրել
Քաղաքականություն
17.12.2021 | 13:58
Հայկ Մարությանին անվստահություն հայտնելու որոշման նախագիծը դեռ պաշտոնապես չի մուտքագրվել Երևանի քաղաքապետարանի աշխատակազմ: Այս մասին Factor.am-ին փոխանցեցին քաղաքապետարանից:
Երևան քաղաքի ավագանու կանոնակարգի 9-րդ գլխի համաձայն քաղաքապետին անվստահություն հայտնելու գործընթացի համար անհրաժեշտ է ավագանու անդամների ընդհանուր թվի առնվազն մեկ երրորդի կողմից ներկայացված որոշման նախագիծը: Երևանի ավագանին ունի 65 անդամ, գործընթացի համար բավարար է 33-ի ստորագրությունը: Քաղաքապետին անվստահություն հայտնելու մասին որոշման նախագիծը ներկայացնելուց հետո` երրորդ աշխատանքային օրը` ժամը 10.00-ին, օրենքի ուժով հրավիրվում է ավագանու նիստ, որում գաղտնի քվեարկությամբ որոշվում է քաղաքապետին անվստահություն հայտնելու հարցը: Միաժամանակ առաջադրվում է քաղաքապետի այլ թեկնածու:
Թե ինչու դեռ նախագիծը պաշտոնապես չի ներկայացվել, ավագանու «Իմ քայլը» խմբակցությունից հնարավոր չեղավ ճշտել, հեռախոսազանգերը մնացին անպատասխան։
Նարեկ Կիրակոսյան
