16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱԺ նախագահի հրահանգով միջանցքի աթոռները հավաքել են. լրագրողներն ու օպերատորները ոտքի վրա են մնացել
16.12.2021 | 16:56
Քիչ առաջ Ազգային ժողովի միջանցքում տեղադրված մի քանի աթոռներն աշխատակիցները տարել են։ Ըստ ամենայնի՝ ԱԺ նախագահի հրահանգով տարածքից աթոռները հեռացրել են այն բանից հետո, երբ Ալեն Սիմոնյանը միջանցքով անցնելիս տեսել է լրատվամիջոցների օպերատորներին՝ այդ աթոռներին նստած։ Թե ինչը դուր չի եկել Սիմոնյանին՝ հայտնի չէ։ Լրագրողներն ու նկարահանող օպերատորները մնացել են ոտքի վրա։ Միջադեպից հետո լրատվամիջոցների մի քանի ներկայացուցիչներ հանդիպել են Սիմոնյանի հետ։ Ինչո՞ւ են աթոռները տարվել և ի՞նչ է քննարկվել ԱԺ նախագահի հետ հանդիպմանը՝ հարցերի շուրջ մեկնաբանություն ստացանք ԱԺ նախագահի խոսնակ Ծովինար Խաչատրյանից։
«Աթոռները հեռացնելու պատճառը օպերատորների ոչ պատշաճ նստելու ձևն է եղել։ Ալեն Սիմոնյանի հետ հանդիպման ժամանակ օպերատորները ներողություն են խնդրել դրա համար։ Իսկ աթոռները կվերադարձվեն, թե ոչ՝ չեմ կարող ասել։ ԱԺ նախագահն ավելի ուշ այդ հարցով որոշում կկայացնի»,-ասաց նա։
Նշենք, որ նկարահանող օպերատորները պնդում են՝ իրենք պատշաճ ձևով են նստած եղել։
Մերի Մարտիրոսյան
