19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Թուրքական արժույթը մեկ շաբաթում երկրորդ պատմական արժեզրկումն է գրանցում՝ գերազանցելով մեկ դոլարի դիմաց 15 լիրայի շեմը
Քաղաքականություն
16.12.2021 | 14:22
Այսօր թուրքական արժույթը արժեզրկման բոլոր ժամանակների պատմական ռեկորդն է գրանցել՝ գերազանցելով մեկ դոլարի դիմաց 15 լիրայի ցուցանիշը։ Սա տեղի է ունեցել Կենտրոնական բանկի կողմից ակնկալվող տոկոսադրույքի ևս մեկ իջեցումից առաջ, որը համահունչ է նախագահ Ռեջեփ Թայիփ Էրդողանի նոր տնտեսական ծրագրին, գրում է Reuters գործակալությունը։
Լիրան թուլացել է 2․9 տոկոսով՝ հասելով 15․25-ի։ Այս տարի ԱՄՆ արժույթը լիրայի նկատմամբ ավելի քան կրկնապատկվել է, ինչը ցնցում է Թուրքիայի խոշոր զարգացող շուկայական տնտեսությունը:
Նշվում է, որ չնայած գնաճը 21%-ից բարձր է, ակնկալվում է, որ Կենտրոնական բանկն այսօր ուշ երեկոյան նախանշված նիստի ժամանակ հիմնական տոկոսադրույքը կնվազեցնի 100 բազիսային կետով՝ մինչև 14%։
Հիշեցնենք, որ այս շաբաթ՝ դեկտեմբերին 13-ին թուրքական լիրան արժեզրկման ևս մեկ ռեկորդ էր գրանցել՝ գերազանցելով մեկ դոլարի դիմաց 14 լիրայի շեմը։
Էմմա Չոբանյան
