18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Թուրքիան դիտարկում է թուրքական ու հայկական ավիաընկերությունների հայտերը Ստամբուլ-Երևան չվերթների բացման համար․ Չավուշօղլու
Տնտեսություն
16.12.2021 | 13:45
Անկարան դիտարկում է թուրքական ու հայկական ավիաընկերությունների դիմումները՝ Ստամբուլ-Երևան-Ստամբուլ ավիաչվերթների բացման կապակցությամբ։ Այս մասին հայտարարել է Թուրքիայի ԱԳ նախարար Մևլութ Չավուշօղլուն լրագրողների հետ զրույցում՝ ամփոփելով ԱՄԷ այցի արդյունքները, գրում է «Անադոլու» գործակալությունը։
Նրա խոսքով՝ ավիաընկերությունների հայտերը քննարկում են տրանսպորտի նախարարությունը և Թուրքիայի քաղաքացիական ավիացիայի գլխավոր վարչությունը։
«Սկզբունքորեն թուրքական կողմի վերաբերմունքը խնդրին դրական է։ Մոտ օրերին կորոշվի, որ ընկերությունները կարող են թռչել տվյալ երթուղով»,- ասել է Չավուշօղլուն։
Նա նշել է, որ Արցախյան 44-օրյա պատերազմից հետո, իբր, Թուրքիան և Ադրբեջանը հանդես են եկել Հայաստանի նկատմամբ դրական մեսիջներով։
«Հատուկ նշանակություն են ներկայացնում Երևանի հետ համապարփակ խաղաղության պայմանագիր կնքելու՝ Բաքվի կոչերը։ Այդ ազդանշանները ցույց են տալիս Թուրքիայի ու Ադրբեջանի մոտեցումները հարցին»,- ասել է Չավուշօղլուն՝ը նդգծելով, որ Թուրքիան հանդես է գալիս Հարավային Կովկասում խաղաղության, կայունության և տնտեսական զարգացման օգտին։
Նա հույս է հայտնել, որ հայկական կողմը ջանքեր կգործադրի՝ տարածաշրջանում երկարաժամկետ խաղաղություն և կայունություն ապահովելու համար։
Էմմա Չոբանյան
