09.06.2026 | 00:17
Մարկո Ռուբիոն շնորհավորել է Փաշինյանին
«Քաղաքական բայղուշությանը վերջ տվեք․ կոռեկտ չէ». Կոնջորյանը՝ Թևանյանին․ ՏԵՍԱՆՅՈՒԹ
Քաղաքականություն
16.12.2021 | 13:00
«Պարոն Թևանյան, ինձ թվում է գիտաֆանտաստաիկ ժանրի ֆիլմեր եք նայել, հատկապես երբ որ այդ ամեն ինչը կապում եք «Քաղաքացիական պայմանագիր» կուսակցության ունեցած հանդիպումների հետ»,- այս մասին ԱԺ այսօրվա նիստում նշեց «Քաղաքացիական պայմանագիր» խմբակցության ղեկավար Հայկ Կոնջորյանը՝ անդրադառնալով «Հայաստան» խմբակցության պատգամավոր Անդրանիկ Թևանյանի ելույթին:
Նշենք, որ Թևանյանն ԱԺ ամբիոնից հայտարարել էր. «Հայաստանում է հայտնվել թուրքական դիվերսանտ , ավելի կոնկրետ նա Երևանում է, իսկ ավելի ստույգ՝ ԱԺ շենքում… ԱԺ դռները լայն բացվել են թուրքական պրոպագանդայի ակտիվ լոբբիստ և ներկայացուցիչ Ժիրայր Լիպարիտյանի առջև։ Ժիրայր Լիպարիտյանին ԱԺ-ի իշխող խմբակցությունում ընդունելը վատ մեսիջ է առ այն, որ Հայաստանի համար ընդունելի են թուրքական նախապայմանները»:
«Կոռեկտ չէ նման եզրահանգումներ անել և քաղաքական բայղուշուիթյուն անելը, վերջ տվեք, պարոն Թևանյան, և խոսեք իրական փաստերի վրա հիմնվելով»,- հորդորեց Կոնջորյանը:
Մանրամասները՝ տեսանյութում:
