16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Հայաստանում ապաստան հայցողների համար ժամանակավոր նոր կացարան կկառուցվի․ Միգրացիոն ծառայության պետ․ ՏԵՍԱՆՅՈՒԹ
Քաղաքականություն
15.12.2021 | 18:03
Այս տարի սկսել ենք աշխատանքներ Փախստականների և ապաստանի մասին օրենքում փոփոխությունների իրականացման ուղղությամբ: «Միգրացիոն հոսքեր, խնդիրներ, կառավարում» թեմայով քննարկման ժամանակ այս մասին նշեց Տարածքային կառավարման և ենթակառուցվածքների նախարարության Միգրացիոն ծառայության պետ Արմեն Ղազարյանը:
«Հաջորդ տարի Հայաստանում ապաստան հայցողների համար ժամանակավոր նոր կացարան կկառուցվի: Հիմա ևս ունենք կացարան, բայց պայմաններն այնքան էլ լավը չեն: Ներկայումս այդ կացարանը կարողանում է ապահովել 45-50 ապաստան հայցողի: Նոր կացարանը կկառուցվի Երևանից դուրս, այն կարող է ընդունել100-120 ապաստան հայցողի, և պայմանները անհամեմատ ավելի բարվոք կլինեն»,- ասաց Ղազարյանը:
Նշենք, որ Հայաստանում ապաստան հայցողների համար ժամանակավոր նոր կացարանի կառուցումը նախատեսված էր ՀՀ-ԵՄ համապարփակ և ընդլայնված գործընկերության համաձայնագրի կիրարկման ճանապարհային քարտեզով, որն ընդունվել է ՀՀ Կառավարության կողմից 2019 թվականին։
Մանրամասները՝ տեսանյութում:
