07.11.2024 | 15:15
Թրամփը չի ստիպի Ուկրաինային զիջել տարածքներ․ Տիգրան Ավագյան․ ՏԵՍԱՆՅՈՒԹ
ՌԴ ԱԳՆ-ն՝ ԵՏՄ-ում Ադրբեջանին դիտորդի կարգավիճակ տրամադրելու առաջարկի մասին
Քաղաքականություն
15.12.2021 | 18:28
Ադրբեջան-ԵՏՄ երկխոսության զարգացումը ցանկացած ձևաչափով կնպաստի փոխադարձ առևտրի ակտիվացմանը և տարածաշրջանում տրանսպորտային զարկերակների ապաշրջափակմանը։ Այս մասինամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Ղազախստանի նախկին նախագահ Նուրսուլթան Նազարբաևի հայտարարությունը։
Ավելի վաղ Եվրասիական բարձրագույն տնտեսական խորհրդի պատվավոր նախագահ Նուրսուլթան Նազարբաևը պաշտոնապես հայտարարել էր ԵՏՄ-ում Ադրբեջանին դիտորդի կարգավիճակ տրամադրելու առաջարկի մասին։
«Ինչպես գիտեք՝ կարևոր և անհրաժեշտ է հաշվի առնել, որ փոխգործակցության մակարդակի բարձրացման որոշումը կայացվում է Միության անդամ բոլոր երկրների և շահագրգիռ կողմի համաձայնությամբ՝ հետևելով նման քայլի հնարավոր տնտեսական հետևանքների համալիր փորձագիտական ուսումնասիրության վրա»,- ասել է Զախարովան։
Նրա խոսքով՝ նախաձեռնությունն արժանի է ուշադրության։ Զախարովան նշել է, որ ԵՏՄ-ն բաց է այն երկրների համար, որոնք կիսում են դրա նպատակները, սկզբունքները և շահագրգռված են ավելի սերտ ինտեգրմամբ և փոխգործակցությամբ։ Առաջին հերթին դրանք ԱՊՀ երկրներն են, որոնք համագործակցության ոլորտում ամենասերտ կապերն են պահպանում Միության անդամ երկրների հետ։
Վերջինս նաև նշել է, որ ԵՏՄ-ն ակտիվորեն արդիականացնում է իր տրանսպորտային ենթակառուցվածքները. Միությունն ունի տեխնիկական կանոնակարգման ժամանակակից համակարգ, որը ստեղծվել է՝ հաշվի առնելով միջազգային փորձը։ Չնայած համաճարակի հետ կապված բարդ ժամանակաշրջանին՝ Միության մակրոտնտեսական ցուցանիշների մեծ մասը բնութագրվում է դրական դինամիկայով։
Տաթև Ֆռանգյան
