Քաղաքականություն
15.12.2021 | 11:06
Ֆրանսիայի նախագահ Էմանուել Մակրոնը Ռուսաստանի նախագահ Վլադիմիր Պուտինի հետ համաձայնել է աջակցել Հայաստանի և Ադրբեջանի միջև փոխվստահության ամրապնդմանն ուղղված քայլերին։ Այս մասին հայտնել է Ելիսեյան պալատի մամուլի ծառայությունը երկու պետությունների ղեկավարների զրույցից հետո, գրում է ՏԱՍՍ-ը։
«Հայաստանի և Ադրբեջանի միջև լարվածության հարցը քննարկելիս Ֆրանսիայի ղեկավար Էմանուել Մակրոնը և ՌԴ նախագահ Պուտինը քննարկել են ԵԱՀԿ Մինսկի խմբի համանախագահների (Ռուսաստան, ԱՄՆ և Ֆրանսիա) ջանքերն՝ ուղղված վստահության ամրապնդմանը, այդ թվում՝ հումանիտար ոլորտում»,- ասված է Ելիսեյան պալատի հայտարարության մեջ։
Ֆրանսիայի և Ռուսաստանի նախագահները հաստատել են իրենց համաձայնությունը՝ «օգտագործել իրենց հեղինակությունը՝ հնարավորինս շուտ նման միջոցների ձեռնարկմանը հասնելու համար», – հավելել են Ելիսեյան պալատից։
Տաթև Ֆռանգյան
