29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Աշտարակ համայնքի Նոր Ամանոսի մանկապարտեզում արևային ֆոտովոլտային կայան է տեղադրվել
Տնտեսություն
14.12.2021 | 14:57
Արագածոտնի մարզի Աշտարակ համայնքի Նոր Ամանոս բնակավայրի մանկապարտեզի կարիքների համար արևային ֆոտովոլտային կայան է տեղադրվել. ծրագրի համաֆինանսավորումն իրականացրել է ՀՀ կառավարությունը ՝ պետական բյուջեի միջոցներից: Այդ մասին տեղեկություն է տարածվել ՀՀ Արագածոտնի մարզպետարանի Ֆեյսբուքի էջում:
«Կառուցված կայանի հզորությունը ամբողջությամբ կբավարարի մանկապարտեզի էլեկտրաէներգիայի պահանջարկը, իսկ առաջացած ֆինանսական խնայողություններով այլ ծրագրեր կյանքի կկոչվեն:
Նոր Ամանոս բնակավայրի մանկապարտեզը կառուցվել է կառավարություն-համայնք գործակցությամբ իրականացվող սուբվենցիոն ծրագրի շրջանակներում: Ծրագրի ընդհանուր արժեքը շուրջ 33.7 մլն դրամ է:
Նշենք, որ հետխորհրդային տարիներից Նոր Ամանոս բնակավայրում մանկապարտեզ չէր գործել. նորակառույց մանկապարտեզի բացումը եղել է 2021 թվականի հունիսի 1-ին, որպես նվեր Նոր Ամանոսի և հարակից բնակավայրերի փոքրիկ բնակիչներին՝ Երեխաների իրավունքների պաշտպանության միջազգային օրվա առթիվ»,- նշված է գրառման մեջ:
