09.06.2026 | 00:17
Մարկո Ռուբիոն շնորհավորել է Փաշինյանին
Վրաստանը հույս ունի մուտք գործել ԵՄ միասնական շուկա Արևելյան գործընկերության գագաթնաժողովից հետո
Քաղաքականություն
14.12.2021 | 14:45
Վրաստանի վարչապետ Իրակլի Ղարիբաշվիլին մեկնել է Բրյուսել՝ մասնակցելու դեկտեմբերի 15-ին կայանալիք «Արևելյան գործընկերության» գագաթնաժողովին։ Թբիլիսին հույս ունի գագաթնաժողովից հետո մուտք գործել Եվրամիության միասնական շուկա, հայտնել է Վրաստանի կառավարության մամուլի ծառայությունը, գրում է ՏԱՍՍ-ը։
«Վրաստանի վարչապետ Իրակլի Ղարիբաշվիլին Եվրոպական խորհրդի նախագահ [Շառլ Միշելի], Եվրահանձնաժողովի նախագահ [Ուրսուլա ֆոն դեր Լեյենի] և Եվրամիության խորհուրդը նախագահող Սլովենիայի վարչապետի հրավերով [Յանեզ Յանշին] կմասնակցի դեկտեմբերի 15-ին Բրյուսելում կայանալիք Արևելյան գործընկերության գագաթնաժողովին։ Վրացական կողմն ակնկալում է, որ կնշվեն այնպիսի կարևոր հարցեր, ինչպիսիք են Եվրամիության միասնական շուկայի հետ աստիճանական ինտեգրումը»,- ասվում է հայտարարության մեջ։
Թբիլիսին նաև հույս ունի, որ գագաթնաժողովը կհաստատի հավակնոտ օրակարգ, որը կօգնի ամրապնդել անվտանգության, տնտեսության, հասարակության, շրջակա միջավայրի պաշտպանության և թվային փոխակերպման մեխանիզմները: Նոր օրակարգը կներառի կոնկրետ նպատակների իրագործումը, որոնք կիրականացվեն ԵՄ նոր տարածաշրջանային ներդրումային ծրագրի միջոցով։ Վրաստանի համար դա նշանակում է տրանսպորտային, թվային և էներգետիկ կապերի ամրապնդում, այդ թվում՝ առավելագույնի հասցնելով Սև ծովի ներուժը, հավելել է Վրաստանի կառավարությունը։
Ղարիբաշվիլին Բրյուսելում նաև բարձր մակարդակի երկկողմ բանակցություններ կանցկացնի, այդ թվում՝ ՆԱՏՕ-ի գլխավոր քարտուղար Յենս Ստոլտենբերգի հետ։
Տաթև Ֆռանգյան
