29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
ԵՄ-ն Մեծ Բրիտանիայի և ԱՄՆ-ի հետ համատեղ դիտարկում է ՌԴ-ի նկատմամբ նոր պատժամիջոցների կիրառումը
Քաղաքականություն
13.12.2021 | 14:11
ԵՄ-ն ԱՄՆ-ի և Մեծ Բրիտանիայի հետ համատեղ նոր պատժամիջոցներ է դիտարկում ՌԴ-ի դեմ, սակայն դեռևս հստակ որոշում չկա։ Այս մասին այսօր հայտարարել է ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Ջոզեֆ Բորելը ԵՄ ԱԳ նախարարների հանդիպմանը, գրում է ՏԱՍՍ-ը։
«Մենք այսօր կոնկրետ որոշումներ չենք ընդունի պատժամիջոցների վերաբերյալ։ Մենք ԱՄՆ-ի և Մեծ Բրիտանիայի հետ ուսումնասիրում ենք, թե ինչ միջոցներ կարող են ընդունվել, երբ և ինչպես՝ համակարգված ռեժիմով»,- ասել է Բորելը։
Նրա խոսքով՝ իրավիճակը Ուկրաինայում և ուկրաինական սահմանի մոտ ռազմական ուժեր կուտակելու՝ ՌԴ-ին ուղղված մեղադրանքները դառնալու են նախարարների հանդիպման հիմնական թեմաներից մեկը։
«Այդ քննարկումը կլինի Մեծ յոթնյակի հանդիպման քննարկման շարունակությունը, որտեղ մենք հայտարարել ենք մեր մտադրության մասին՝ խստորեն աջակցել Ուկրաինայի ինքնիշխանությանն ու տարածքային ամբողջականությանը։ Մենք հիմա զսպման ռեժիմում ենք, որպեսզի թույլ չտանք նոր ռազմական ճգնաժամի առաջացումը։ Մտադիր ենք Ռուսաստանին ուժեղ ազդանշան ուղարկել, որ ցանկացած ագրեսիա ունենալու է բարձր գին»,- ասել է Բորելը՝ չնշելով, թե ազդանշանը կոնկրետ ինչ է ենթադրելու։
Էմմա Չոբանյան
