12.09.2026 | 15:44
Պուտինը սպառնում է Եվրոպային պատերազմով՝ Ուկրաինա զորքեր մտցնելու դեպքում․ DW
Թուրքական լիրան արժեզրկման նոր պատմական ռեկորդ է գրանցել
Քաղաքականություն
13.12.2021 | 14:03
Թուրքական լիրան այսօր արժեզրկման հերթական ռեկորդն է գրանցել՝ մեկ դոլարի դիմաց գերազանցելով 14 լիրան։ Սա պայմանավորված է նախագահ Ռեջեփ Թայիփ Էրդողանի ցածր տոկոսադրույքների քաղաքականությամբ և օրերս Կենտրոնական բանկի նիստի՝ դրանք ավելի մեղմելու որոշմամբ, գրում է Reuters-ը։
Նշվում է, որ ուրբաթ օրվա համեմատ՝ լիրան 1․5 տոկոսով անկում է գրանցել՝ դոլարի նկատմամբ հասնելով 14․1-ի։ Այս տարի թուրքական արժույթը շուրջ 47%-ով արժեզրկվել է։
Սպասվում է, որ Թուրքիայի Կենտրոնական բանկն այս շաբաթ տոկոսադրույքը նվազեցնելու է 100 բազային կետով կամ 14 տոկոսով՝ չնայած գնաճն ավելի քան 21 տոկոս է։ Կենտրոնական բանկը վերջին երկու շաբաթների ընթացքում երեք անգամ միջամտել է արտարժույթի շուկային՝ դոլար վաճառելով ու լիրան պահելով 14․0-ից ցածր մակարդակի։ Բանկը, Էրդողանի ճնշման ներքո, սեպտեմբերից նվազեցրել է իր տոկոսադրույքը 400 բազիսային կետով:
Էմմա Չոբանյան
