24.06.2026 | 02:07
ԱԱ-2026. Անգլիան ոչ-ոքի խաղաց Գանայի հետ. ՏԵՍԱՆՅՈՒԹ
Թրամփը խոստացել է 2 օրվա ընթացքում «լուրջ որոշում» կայացնել Սիրիայի հարցով
Քաղաքականություն
10.04.2018 | 13:04
ԱՄՆ նախագահ Դոնալդ Թրամփը հայտարարել է, որ 2 օրվա ընթացքում «լուրջ որոշում» կկայացնի Սիրիայի հարցով: Նա խոստացել է Դումա քաղաքի մոտակայքում խաղաղ բնակչության դեմ անցած հանգստյան օրերին ենթադրաբար քիմիական զենքի օգտագործումը անպատասխան չթողնել. փոխանցում է novayagazeta.ru-ն:
« Դա բարբարոսական ու սարսափելի հարձակում էր, որը չպետք է տեղի ունենար: Մենք շատ արագ որոշում կկայացնենք: Գուցե այսօրվա վերջում: Մենք չենք կարող թույլ տալ, որ նման վայրագությունները կատարվեն», – ասել է Թրամփը:
Լրտվամիջոցների փոխանցմամբ՝ Ռուսաստանը զգուշացրել է, որ նման գործողությունները «ծանր հետևանքներ կունենան»:
«Համապատասխան ուղիներով մենք ամերիկյան կողմին արդեն տեղյակ ենք պահել, որ կեղծ ենթադրությունների հիման վրա ուժային գործողությունները Սիրիայի դեմ, որտեղ այդ երկրի օրինական իշխանության խնդրանքով ռուս զինծառայողներ են գտնվում, կարող է հանգեցնել ամենածանր հետևանքների», – ասել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան՝ ՄԱԿ-ի Անվտանգության խորհրդի՝ Սիրիայի հարցով նիստի ժամանակ։
