16.01.2025 | 12:00
Իսրայելն ու ՀԱՄԱՍ-ը պայմանավորվեցին հրադադարի մասին, Լիբանանում հայ է սպանվել․ ԼՈՒՐԵՐ
ՄԻԵԴ-ն արգելել է Լեհաստանին միգրանտներին հետ՝ Բելառուս արտաքսել
Քաղաքականություն
07.12.2021 | 14:54
Մարդու իրավունքների եվրոպական դատարանն (ՄԻԵԴ) արգելել է Լեհաստանին հետ՝ Բելառուս վտարել միգրանտներին, որոնք արդեն գտնվում են Լեհաստանի տարածքում և դիմել են դատական մարմիններին, գրում է DW-ի ռուսական ծառայությունը։
«Դիմումների մեծ մասում հայցվորները նշել են, որ գտնվում են Լեհաստանի տարածքում և խնդրել են իրենց Բելառուս չարտաքսել։ Դատարանը կիրառել է 39-րդ կանոնը (ՄԻԵԴ կանոնակարգի) և որոշել, որ դիմումատուները չեն կարող վտարվել Լեհաստանից, եթե նրանք իրականում գտնվում են Լեհաստանի տարածքում»,- ասվում է ՄԻԵԴ մամուլի ծառայության հայտարարության մեջ, որը հրապարակվել է դեկտեմբերի 6-ին:
Մամուլի ծառայությունից պարզաբանել են, որ օգոստոսի 20-ից դեկտեմբերի 3-ը ՄԻԵԴ-ը միջանկյալ միջոցներ կիրառելու 47 դիմում է ստացել 198 միգրանտից։ Միևնույն ժամանակ, 44 դիմումատուներ նշել են, որ գտնվում են Լեհաստանի տարածքում և միջազգային պաշտպանություն են խնդրում։ Եվս մեկ բողոք է ներկայացվել Լատվիայի, երկուսը՝ Լիտվայի դեմ։ Բալթյան երկրների դեմ ներկայացված դիմումների համար միջանկյալ միջոցներ դեռ չեն կիրառվել։
Ընդհանուր առմամբ, դատարանը բավարարել է 47 դիմումներից 43-ը, որոնցից մի քանիսի մասով ՄԻԵԴ-ը նաև որոշում է կայացրել միգրանտներին ապահովել սննդով, ջրով և անհրաժեշտ բուժօգնությամբ։
Տաթև Ֆռանգյան
