Քաղաքականություն
06.12.2021 | 17:16Նոր ծառայողական մենքնան Ալեն Սիմոնյանի համար չի գնվել, այլ գնվել է Ազգային ժողովի նախագահի համար: Այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Հրաչյա Հակոբյանը՝ անդրադառնալով հարցին, թե որքանով է արդարացված նոր, թանկարժեք մեքենայի ձեռքբերումը, երբ հետպատերազմական շրջանում բազմաթիվ խնդիրներ կան երկրում:
«Այնպես չէ, որ այդ խնդիրները մի կողմ են դրված և առաջնահերթությունը տրվել է Ալեն Սիմոնյանի համար մեքենա գնելուն»,- նշեց Հակոբյանը՝ հավելելով, որ եղել են դեպքեր, երբ ԱԺ նախագահը մնացել է ճանապարհին ծառայողական մեքենայի անսարքության պատճառով, բացի դրանից՝ այդ հին զրահապատ մեքենայի ծախսերը շատ էին:
Հակոբյանի խոսքով՝ ԱԺ-ն խնայել է 600 միլիոն, վերադարձրել է պետբյուջե, և 90 միլիոնով ԱԺ նախագահի համար գնվել է մեքենա: «Ալեն Սիմոնյանը հավերժ չի լինելու, կանցնեն տարիներ, և այլ ԱԺ նախագահի կսպասարկի այդ մեքենան»,- նշեց պատգամավորը:
Մանրամասները՝ տեսանյութում:
