29.06.2026 | 13:02
Կոմիտասում Ռ.Ս.-ի սպանության գործով նախաքննությունն ավարտվել է
ՌԴ-ն և Հնդկաստանը մի քանի համաձայնագիր են ստորագրել ռազմական համագործակցության վերաբերյալ
Քաղաքականություն
06.12.2021 | 14:04
Մոսկվան և Նյու Դելին մի շարք փաստաթղթեր են ստորագրել ռազմական ոլորտում համագործակցության վերաբերյալ։ Այս մասին Twitter-ում հայտնել է Հնդկաստանի պաշտպանության նախարար Ռաջնաթ Սինգհը։
Հնդկաստանի մայրաքաղաք Նյու Դելիում բանակցություններ են տեղի ունեցել երկու երկրների ռազմական գերատեսչությունների ղեկավարների միջև։ Սինգհը դրանք որակել է արդյունավետ, բովանդակային ու արգասաբեր:
«Ուրախ եմ, որ մի շարք համաձայնագրեր/պայմանագրեր/արձանագրություններ են ստորագրվել հրազենային զենքերի և ռազմական համագործակցության վերաբերյալ»,- գրել է նա Twitter-ում իր ռուս գործընկեր Սերգեյ Շոյգուի հետ հանդիպումից հետո։
Նա նշել է, որ Հնդկաստանը գնահատում է Ռուսաստանի հետ իր հատուկ և արտոնյալ ռազմավարական գործընկերությունը։
Հավելենք, որ Հնդկաստանի մայրաքաղաք Նյու Դելիում, ռուսական լրատվամիջոցների հաղորդմամբ, մեծ բանակցություններ են ընթանում։ ՌԴ նախագահ Վլադիմիր Պուտինը Հնդկաստան կայցելի երկրի վարչապետ Նարենդրա Մոդիի հրավերով։ Ուշադրության կենտրոնում են երկկողմ հարաբերությունների զարգացման նոր լայնածավալ նախաձեռնությունները, որոնք Կրեմլն անվանում է «հատկապես արտոնյալ»։
Գագաթնաժողովի նախօրեին հանդիպումներ են տեղի ունենում երկու երկրների պաշտպանության և արտաքին գործերի նախարարների միջև:
Տաթև Ֆռանգյան
