24.04.2026 | 23:32
Կապանում ջրանջատում կլինի
Թալիբները կանանց իրավունքների մասին հրամանագիր են հրապարակել
Քաղաքականություն
03.12.2021 | 15:45
Աֆղանստանում իշխանությունը զավթած «Թալիբան» շարժման ղեկավարությունը հրամանագիր է հրապարակել կանանց իրավունքների մասին։ Փաստաթուղթը Twitter-ի իր էջում տարածել է թալիբների ժամանակավոր կառավարության տեղեկատվության և մշակույթի փոխնախարար Զաբիհուլլա Մուջահիդը, գրում է ՏԱՍՍ-ը։
Ինչպես հետևում է թալիբների գերագույն առաջնորդ Հայբաթուլլահ Ախունդզադայի ստորագրած հրամանագրից՝ կնոջը չի կարելի ստիպել ամուսնության, նա չի կարող լինել «հաշտության կամ թշնամանքի դադարեցման» առարկա տղամարդկանց միջև։
Փաստաթղթում նաև ասվում է, որ ամուսնու մահվան դեպքում այրին իրավունք ունի ժառանգելու նրա ունեցվածքի մի մասը, կարող է ինքնուրույն որոշել իր ապագա ճակատագիրը և, մասնավորապես, նորից ամուսնանալ:
Տաթև Ֆռանգյան
