16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ստոկհոլմում ավարտվել են Լավրովի և Բլինքենի բանակցությունները
Քաղաքականություն
02.12.2021 | 18:24
ՌԴ ԱԳ նախարար Սերգեյ Լավրովի և ԱՄՆ պետքարտուղար Էնթոնի Բլինքենի երկրորդ դեմ առ դեմ հանդիպումն է ավարտվել Շվեդիայում։ Այս մասին հայտնում է ՏԱՍՍ գործակալությունը։
Նշվում է, որ հանդիպումը շուրջ 40 րոպե է տևել։ Արտաքին քաղաքական գերատեսչությունների ղեկավարները բարձրացրել են երկկողմ հարաբերություններին առնչվող հարցեր, ինչպես նաև ներկայացրել իրենց դիրքորոշումը Ուկրաինայում տիրող իրավիճակի վերաբերյալ։
Սպասվում է, որ Լավրովը ԵԱՀԿ ԱԳ նախարարների խորհրդի նիստի շրջանակում առանձին հանդիպումներ է ունենալու ԵԱՀԿ գործող նախագահ, Շվեդիայի ԱԳ նախարար Անն Լինդեի, Ավստրիայի, Մեծ Բրիտանիայի, Սերբիայի, Իսպանիայի և Թուրքիայի ԱԳ նախարարների հետ։
Էմմա Չոբանյան
